The North Face Ultra Trail Tour du Mont Blanc

Börkur er í La Flegere. Væntanlegur til Chamonix um hálfellefuleytið að okkar tíma. Nú er rífandi gangur á okkar manni niður brekkurnar.

La Flégère

D-11:27

40h55mn42s

790

 

Ásgeir hringdi og var mjög málhress, kvaðst hafa spænt niður fjallið síðustu 5 kílómetrana og átt endasprett eins og hann er auðvitað þekktur fyrir. Hann sagði að Grænlandsleiðangurinn væri eins og barnaleikur miðað við þetta ævintýri og fá orð næðu að lýsa upplifuninni. Þarna væru ekki brekkur, bara fjöll og þau frekar brött og menn væru annað hvort að ganga upp eða klöngrast niður. Leiðin er vel merkt og ekkert mál að fara hana í myrkrinu, enda allir með ennisljós og aldrei var hann einn á ferð, alltaf í einhverjum hópi.  Hann sagðist aldrei hafa lagt sig á leiðinni og hafa heyrt í Berki fyrir hálftíma, þá á leið upp á Tete du Vent. Nánari lýsing bíður betri tíma því fleiri vildu heyra í kappanum.

Nú er óhætt að hella upp á morgunkaffið. Ásgeir er kominn á næst síðustu stöðina og hér eftir er allt niður í móti að Chamonix þar sem honum er spáð í mark kl. átta að íslenskum tíma. Hann mætti í La Flegere skv. áætlun og nú eru sirka tvær Esjur eftir.KOMASO!!!!

La Flégère

D-08:55

38h23mn51s

517

Við Sigrún erum aftur komnar á torgið eftir fimm tíma rot.  Ætluðum að vakna fyrir sjö en sváfum yfir okkur.   Klukkan er 8:25 að frönskum tíma og hér er, guði sé lof skýjað og smá gola.    Ásgeir er nýkominn upp á síðasta tindinn og við eigum von á honum eftir svona tvo og hálfan tíma.   Hann er nú í sæti 517 og er að tína upp.
Börkur liggur á sjúkrabekk í Vallorcine en er að rísa á fætur í þessum skrifuðum orðum og ætlar brattur af stað aftur.
Birkir sefur svefni hinna þreyttu.    Hann var í góðu ástandi í gærkvöldi.   Fótafúinn en virtist að mestu heill.   Berta nuddaði fæturnar á pabba sínum.    Flott að hafa barn í það verkefni.
Birkir er að bæta sig helling frá því í fyrra.    108 kílómetrar á rúmum 26 tímum er góð bæting síðan í fyrra þegar hann hljóp 86 kílómetra á 18 tímum.    Það er búið að breyta leiðinni síðan í fyrra og keppendur hér eru sammála um að hún sé mun erfiðari.   Svo er á það að líta að Birkir æfir ekki eins og langhlauparar eru vanir að gera og kílómetrarnir í bankanum hans eru svo fáir að það er í rauninni kraftaverk að hann skuli komast þetta hver sem tíminn er.