The North Face Ultra Trail Tour du Mont Blanc

30.8.2008 | 17:37

Af torginu

Við sitjum í blómabeðinu á torginu fyrir aftan markið, ég, Sigrún og Berta.
Sólin er farin úr bænum og skín nú bara á fjallatoppana.
Strákarnir okkar eru allir á labbi einhversstaðar, allir í drasli eins og Ásgeir orðaði það.“Bibba, nú man ég hvers vegna ég fer aldrei í Paula Ratkliff sokkana mína.   Ég fæ blöðrur utan á hælinn af þeim”.
Birkir var á leið að snúa við aftur niður í Arnuva á leið sinni á tindinn, Grand Col Ferret en hafði vit á að hringja í okkur fyrst.    Honum var snarlega ráðið frá því, aðallega vegna þess að Arnuva-stöðin var að loka og samkvæmt Bibbu sem er hokin af hætta-reynslu er ekkert gaman að koma að lokaðri stöð.   Þá er ekkert að borða og engin aðhlynning, - starfsmenn allir á heimleið.    Birkir hélt áfram og við vonum að hann komist yfir þreytuhjallann á leið niður í La Fouly þar sem tímamörkin eru 23:00 (21:00 ísl).
Ásgeir heyrði í Berki í La Fouly sem sagðist þá vera ca. kílómeter á undan honum.   Annað hvort hefur þá hægst á Berki eða hraðast á Ásgeiri nema það hafi verið brekka ...

Í mark er nú að koma forstjóri North Face, (sem er aðal styrktaraðili keppninnar) Gaylord Topher. Hann er í 12. sæti og hefur þann heiður að vera fyrsti ameríkaninn sem klárar keppnina.    Það er verið að taka viðtal við hann og hann segir þetta vera sjötta sinn sem hann taki þátt og þetta sé lang erfiðasta hlaupið sem hann hefur hlaupið.

Varðandi sigurvegarann þá er ekki búið að gefa út að hann sé sigurvegari því menn hafa efasemdir um að hann hafi ekki fengið einhverja utanaðkomandi hjálp sem hann mátti ekki þiggja.   Þessi tvítugi spánverji var bakpokalaus yfir síðasta fjallið og í mark.

Nú er verið að bíða eftir fyrstu konu sem er víst rétt á leiðinni.   Það mundi vera bretinn Elisabeth Hawker.   Hún er í North Face liðinu og síðast þegar hún keppti (2005) þá vann hún keppnina.   Kannski vildi hún ekki fara fram úr forstjóranum í þetta sinn ?   ;)